Gusii

Goteba Inka

Stephen Manyange Mayaka na abana baye

Oyominto John Mayaka namboria ebirengererio biane igoro yo omosike Stephen Manyange Mayaka. Yaani inchera teiyo engiya nare koeresa ingoro ye egasi engiya Stephen akorire inka seito goetania amariko ye Elias Makori bwe Nation. Stephen nigo are bwamwabo. Nigo arokire erieta ria sokoro yane (Manyange). Omwana bwe ekenyoro. Oinyorete inga ense ya bande inkenama gesabire.

Stephen tachieti kweba ase arwete. Ere tari kogenda inka korusia abande amagoso. Gose koria amanga'na bosa bira gokora kende. Nigo agokora buna agokwana. Omosike Stephen Manyange Mayaka. Omominyoki omonene ime ya Kenya na Japan naende ore Omonene bwa amaminyoko ase Eyunivasiti ya Sozo Gakuen, aaria Japan.

Stephen Manyange Mayaka nigo aiboreretwe aaria Nyang'iti Sabu Lokesheni ime ya Bobasi, Gucha Distrikti. Omosike Mayaka nigo asomete ase epremari ya Nyagesa. Korwa abwo, akagenda gosoma aaria Kiomiti Secondary School. Buna Nyasae abangete, omwarimu omonene o kiomiti, omosike Misiocha Miyigo akamokonya ase okomomanyia abanto baria baramokonye kogenda Japan. Nario aumerete omwarimu Shem Omasire o Cardinal Otunga High school, Mosocho. Omosike Omasire nigo amanyete chinchera chio ogokonya AbaKenya bagende Japan. Ere, amo na marehemu Mhe. Robert Ouko bakamokonya akagenda gosoma ase Eyunivasiti Ya Yamanashi Gakuin ase Egesunte Kende (December) 24, 1990.

Gokonya abande. Ekero akora esukuru yaye aaria Yamanashi Gakuin Yunivasiti, Stephen Mayaka akanyora egasi na koba omonene bwa amaminyoko ase Eyunivasiti ya Sozo Gakuen ase omwaka o 2006. Rakini tachieti kweba AbaKenya bawabo. Okonyire Gideon Ngatuny  Jonathan Muya,Christine Kambua Muyanga, Jefferson Siekei, Jelia Tinega, Winfrida Mochache na samwel mochache kominyoka Japan.
Tari igo rioka, nere okoraa abaminyoki bande ba Kenya erinde bakore buya buna Philes Ongori na Job Mogusu.

Goteba Inka. Stephen Mayaka nigo aansete ebiombe bio ogoaka emepira, kominyoka na kongusa chingori aaria Nyangiti ase aiboreretwe. Ebiombe ebio biabeire enchera eyemo yo ogokonya abasae ase ogotwara egasi bagokora. Kobakonya tibasoa obokebago. Intwe nigo togoakera  Stephen inga imbuya mono ase ogoteba inka. Imbuya mono ase egasi engiya. Kenya egenderere.

Bono Inaki Togokora?

Eripoti ekobwatia ne yo omwana omino. Omosubati Kerubo Nchogu. Omoriki omogeni ase Gusii.com. Ka moranche tegerera korwa ase omwarimu omonyene. Omwarimu osometie inka Gusii. Inche nigo nasoma eripoti eyio naigoka obongo sana. Konyora nigo inkagete inga nigo imanyete kera egento igoro ye esemi ime ya Gusii. Yaya. Nigo nanyora inga timanyeti kera egento. Obosemi obuya. Onye gotagete koba omoriki omogeni ase ewebusaiti eye, koranche chwata riuko gochia ase abagusii@gmail.com. Imbuya mono. Omwana omino oyio.

Kanga High School, Migori

Chisemi chiatamire Gusii yaito pi!

 
Gaki yabeire maiso marore bono ing’a  Gusii yaito n’ebwate obokong’u ase ensemo ye chisemi. Ninki torakore tokonye chisukuru chiato chia gusii? Inaki torakore tonyorere abana baito amabaga ase chiyunivasiti chiato?

Omwaka o 2007 inachiete gosomia Egesongo ase esukuru eyemo aaria Gusii. Ekero amatemwa a 2006 asoka egatoka ing’a edistrikti ya Nyamira engima nigo yabwate chi A chietanetie isano na chinyinge chiabo nigo chiare korwa esukuru eyemo.

Omwaka oyio omwarimu omonene agatoira tochie gotarera abarimu b’esukuru ya Bogere ekorokwa Kanga High School. Esukuru eyio nigo yabwate chi A chietanetie echia Nyamira engima, chi A ikomi na isano. Esukuru yende ya western – Friends School, Kamusinga nigo yabwate chi A chiatanetie emerongo ebere ne chi B+ emerongo etano na goetania. Echi n’echisukuru ibere chioka. Nchake kobara chisukuru chiabwate chi A chietanetie echia Nyamira district omwaka oyio tingokora. 

Ninki gekogera amang’ana agokorekana igo gose? Inee, Abagusii mbari koigwa masomo? Etoiboreranetigwe n’oboriri? Yaya. Tari bo nonya ng’ake. Oise korigerereria omwaka oyio oyio o 2006 omwana omotang’ani Kenya engima n’Omogusii orenge (Dickens Omanga Omosa korwa Friends School, Kamusinga). Origererie n’emiaka yende, Mogusii tanya kobora ase abana baria ikomi bagotang’ana Kenya engiama. 

Eki ogoichania nkeri ng’a abana Abagusii bagotang’ana Kenya engima mara aange mbari korwa sukuru chia Gusii. Ring’ana eri riandeta ase riboria ria kabere. Sukuru chia Gusii nchibwati baarimu baisane nabinto binde buna bitabu? Yaya ninki rende gose gekogera togokora amatemwa bobe iga? 

Nkaboria omwarimu o Kanga High School eki akorengereria gekogera Gusii etari gosokia matokeo akogokia. Aya naro antebetie. Ase obotuki bokeigo na korigereria, omongwana oyio nabo atomanyete. 

   1. Baibori ba gusii mbacharetie masomo. Omwana nabo agotomwa nka achie kwoyia efisi orasoigwa mogondo akonye gotora echae. Kero agocha koirana esukuru amange amoeterie. Kero kende nabo erabe ng’a nechisiringi mia tano chioka omwana aserigwa. Ribaga omoibori akwerina aonie nonya ne twoni aakane, onyenyera omwana oyio engoko eyio ati omwana neboarding are tarari ngoko matuko mange! Baria engoko eyio baigota omwana onya kobaracha abwo na ng’ina.

   2. Abaibori ba Bogere nigo batagete abana babo baete basoe chisekenderi chingiya. Abaibori ba Gusiii nigo batagete abana baete basoe esekenderi ende yonsi. Gaki n’omo igo oranya gwechanda. Eke nekemaene pi. Narorire abana ba Gusii babwate nonya namagisi 102 bagosoigwa esekendari. Chisekenderi Chirochio nchiichire Gusii. Narorire omoibori ogocha esukuru kobetereria abaarimu basugume omwana ekerasi noyio n’omwana orakore omokia aete buya aise komanya ng’a okoirora ngokare.

   3. Abaarimu abange ba Gusii nigo babwate oboarimu part time. Omwarimu ocha staffroom otebia oyonde; "nsomerie ekerasi kiane rero ndachia kwoyeria chiombe chinsiaga." 

Amang’na n’amange omongwana oyio antebetie, korende koraria ayio atato. Nabo kero kende oraigwe ng’a nkong’ainereria arenge korende ntegerere. Omwana taoyetie ripoti yaye y’echitamu ibere mpaka nkamorangeria gochi komoa ekero gie etamu ya gatato. Bono gaki ise ere inaki amanyete chiropia agoakana chiare gotumeka? 

Tiga ngo abarimu na abaibori ba Gusii babwaterane koimokereria chisukuru chiato. Tiga abarimu baborie eki gekogera abana batari goeta. Tagoisaransa nomwarimu hoteli konywa echae. Rigereria eripoti y’omwana oo naende mosegete akore omokia. Gaki tiga tokonye chisemi Gusii!
 
Nche n'omwana oino Kerubo O' Nchogu

 

Abarai Ingai Bare?

Grace Wambui Njung'e, enyaroka namba 1 ase KCSE 2010.

Tiga togende magega emiaka ikomi. Kera Omotienyi bwe Engatiato (January) amo na Egetamo (March). Ibirero ne ebimo. Kera omwaka. Abana ba Gusii tibari gokora amatemwa buya. KCPE? Titori gokora buya. KCSE? Nigo tore maega.

Abana ba Gusii yoka batari gokora buya? Yaya. Ase omobwekano, chinsemo buna echia Coast, Eastern na Western Provinces tichiri gokora buya. Mara aange, Central na Rift Valley nachio chinsemo chioka  chigokora buya.

Ninki? Ebinto ne ebinge. Engaki yaetire, intwarigete inga obokongu tobwate bwe chisemi Kenya nigo bochete ase engencho ya enga'na eyemo: Chikwota. Chikwota chiarentetwe na CDF. Bobe sana. Chikwota ne ching'iya ase kera egento otatiga ase chisemi. Tiga Abakenya basomere ande onsi ase batagete. Tiga komenyia abana abataka amo ase chisukuru chintaka.  Omwana natagete gochora esukuru ya Kagumo High School na kogenda aroro? Baminto tiga agende. Tiga korenta obokora bwe chikwota. St. Patrick's Iten? Kae Abakenya obosibore. Tiga kona gotinga abana chidistrikti ime.

Tiga abarimu basomerie aare ne chinka chiabo. Tari kera omwarimu ore omworo. Baria aboro abake basareirie abande erieta. Abarimu banarete inka. Batabwati bwoba bonde bwensi nabatakora egasi engiya. Babwate oboremu bwo okomenya inka na kona konywa ekenyenga.

Tari igo rioka. Abana batana korwa Gusii. Batana gochia ande. Gosomera aare inkoigora ere amaiso. Amongo nabo agoansa korengereria enchera engao. Mwana o Gusii teri raisi kogenda Friends School, Kamusinga. Chikwota chia CDF nao chikong'ete amaiso. Mwana o Garissa takogenda Lenana School raisi igo. Aakera chikwota asante. Obokora bwe chikwota.

Abagusii tiga bomane. Tiga toigwe obororo. Nigo ere buya koboria amaswari. Goika ebinto bichenchie. Obokongu tobwate ase bono imbori ing'a  nigo tobwate abanyasiasa abang'aini.  Morai taiyo. Kera omonyasiasa nigo atagete koraagacha rinyomba riaye rie egoroba ritangani. Abananchi baadaye. Impaka twatwarire abarai, amaswari aya. Obororo obo. Bionsi nao bikare ekero amatemwa agocha gosoka ase omwaka o 2011. Ingai abarai bare?

Abana Ba Kenya: Pongezi

Okorio: David Gathuku Ndung'u, Namba 1

Okobee: Trevor Mokaya Omangi: Namba 2

 Buya sana. Imbuya mono ase abana bonsi baria bakorete omokia na kogenda esukuru omwaka oyo oera. Koremereria kera etamu. Bogakia na mogaso. Gokora omokia kera rituko na gokora amatemwa a KCSE.

Nigo togoaka inga imbuya mono ase abana baria babete namba 1 na namba 2 ase Kenya engima. David Gathuku Ndung'u na Trevor Mokaya Omangi. Imbuya mono Mangu High School. Ase boigo imbuya mono Maseno School (Tata omwabo Mhe. Barack Obama nao asomete Maseno School akamanya kogenda aaria ase Eyunivasiti Ya Hawaii na Harvard).

Twatebigwe na korora inga abamura nabwo batanganete ase amatemwa aya a KCSE. Gaki igo imbuya sana. Rakini titweba chinyaroka chiaito.
Intwe nigo totagete koa abaiseke omoyo.

Abaiseke 25 bakorete buya sana ase Kenya engima nabwo abwo:
1 500001004 F NJUNG'E GRACE WAMBUI 87.16014 MOI GIRLS' HIGH SCHOOL ELDORET
2 307701004 F MBABU DORIS MWENDWA 87.15414 PRECIOUS BLOOD SEC SCH KILUNGU
3 500001001 F OMWERI RITA NYANCHAMA 87.12214 MOI GIRLS' HIGH SCHOOL ELDORET
4 500001002 F ADERA D OCHIEN'G 87.07414 MOI GIRLS' HIGH SCHOOL ELDORET
5 106106002 F BAGHA UZMA MOHAMED 87.06329 THE AGA KHAN HIGH SCH MOMBASA
6 613101001 F KEYA C SELLINE 87.05571 LUGULU GIRLS HIGH SCHOOL
7 200002002 F MASWAN JELIMO BETTINA 87.05057 ALLIANCE GIRLS HIGH SCHOOL
8 200005002 F MWENDWA SUE ELLEN 87.03786 LORETO HIGH SCHOOL LIMURU
9 401018001 F MUNGAI ANNE WANJIKU 87.03386 PRECIOUS BLOOD GIRLS RIRUTA
10 500001003 F OGUTU LYNNE AMONDI 87.00457 MOI GIRLS' HIGH SCHOOL ELDORET
11 400009003 F OGOLLA BEATRICE ANYANGO 86.98771 STAREHE GIRLS CENTRE SCHOOL
12 500005004 F KEMBOI SUSAN JEPTOO 86.98343 MOI HIGH SCHOOL, KABARAK
13 400003001 F KIMOTHO SYLVIA MUTHONI 86.98329 THE KENYA HIGH SCHOOL
14 200002012 F NYABUTI MARILYN NYANDUKO 86.97129 ALLIANCE GIRLS HIGH SCHOOL
15 401067001 F TIKOLO CHERYL ASEKA 86.971 KIANDA SCHOOL
16 500001025 F JEBET VESCA 86.95743 MOI GIRLS' HIGH SCHOOL ELDORET
17 401017005 F MURIUKI FLORENCE WAMBUI 86.95643 PANGANI GIRLS' SCHOOL
18 536202009 F KIJARO LUCY AKEYO 86.95571 BAHATI GIRLS SEC SCHOOL
19 400009002 F OTOM LAVENDER GIFT AWUOR 86.95543 STAREHE GIRLS CENTRE SCHOOL
20 307701003 F MUSAU M WILKISTER 86.95243 PRECIOUS BLOOD SEC SCH KILUNGU
21 500001005 F MUTOGOH I HELLEN 86.94557 MOI GIRLS' HIGH SCHOOL ELDORET
22 200005006 F NYAMONGO FRIDAH BWARI 86.94171 LORETO HIGH SCHOOL LIMURU
23 200002007 F NYAWARA BRENDA ATIENO 86.938 ALLIANCE GIRLS HIGH SCHOOL
24 307701001 F MBATHA KALEKYE 86.93314 PRECIOUS BLOOD SEC SCH KILUNGU
25 200002011 F MWENDA CAROLYNE 86.92729 ALLIANCE GIRLS HIGH SCHOOL

Imbuya mono ase okobeka chinyaroka chinde igoro. Imbuya mono ase abana bonsi ba Kenya. Tiga Kenya egenderere.

Abana Ba Mwanyagetinge

Etaro ya Abana Ba Mwanyagetinge

Intobwate okogania. inkobeka tore amo, chibicha. Echio ne chibicha chia Abana Ba Mwanyagetinge (Abagusii). Ase Omogusii abeta. Abasani ba Abagusii bonsi pi.

Nigo tokoboria inga gaki ka moranche toma chibicha erinde ealibamu ya Abana Ba Mwanyagetinge eikerane. Chibicha chie chinyangi. Etaro ande onsi ense engima. Graduation. Ebirero. Ekanisa. Kende gionsi kio Omogusii.

Ase ogwancha kwaino, toma chibicha ase Abagusii@Gmail.com. Imbuya mono. Kenya egenderere.

Jared Nyaberi, Omosomba Bwe Ekegusii nao agotoka ase Abagusii AT Gmail.com, Facebook.com/abagusii amo na Twitter .com/abagusii