Gusii

Omwaka Omuya 2010

TATA nabwate emepango ase abana baye ase 2010

Abaminto mwensi ase mwabeta, omwaka omuya o 2010. Nigo ingosaba inga Nyasae ana kobokia kera oyomo. Ebisio ase amagenderero a kera oyomo. Ase baria banyora emechando ase omwaka oyo, beka kera egento ase OMONENE. Tata Omotongi bwe ense no oyo ONYAMABERA. Omonguru oito ore igoro nere omanyete okogania gwa kera oyomo. Ekero twasinyirwe eki togokora pi, tiga totigere Nyasae.

Ase abaminto banyora ebisio korwa ase Nyasae, tiga naende ebisio bimentekane. Nyasae amente emesaara ase omwaka o 2010. Amalaika amange aiborwe. Amarwaire aete aare. Omorembe omentekane Kenya ne ense engima. Tiga tokine ase okomomanya OMONENE mono ase omwaka o 2010.

TATA nigo agoteba iga: "Nimanyete emepango imbwate ase more," nabo OMONENE agoteba. "Nigo ere emepango ya amaya tari  ayogosaria, kobaa chingaki chingiya chia motwe amo no ogosemeria okuya. Jeremiah 29:11

Mama: 1947-2009

Omongina Teresa Kerubo Nyaberi, 1947-2009

Abaminto, mama nachiete koberesia tata. Ase okobwa kwo Omonene Nyasae, twancheranire okonganya kwa mama chitariki 28, moiso onde. Mama nigo akorokwa Teresa Kerubo Nyaberi. Nigo arenge omongina bwo omogaka tata, marehemu Johnson Capher Nyaberi Manyange.

Mama nigo aiboretwe chitariki 17 chie Egetamo, 1947. Nigo mama aiboreretwe aaria Bogichoncho ime ya Bobasi Chache. Sokoro yane korwa bomame nigo arenge korokwa omogaka Omeke. Magokoro nere nigo arenge korokwa omongina Nyatichi. Nigo abaibori banywomanete ase omwaka o 1962 ekero mama are emiaka 15.

Enka yaito nigo ere ekenyoro kia Gesure ime ya Bosansa, Bobasi Chache. Mama tarenge okorwara boire boire igo. Nigo mama anchete gokora egasi yaye. Ase emambia ye chitariki 28 chie Egesunte Kende, omongina agansa gokama chiombe chiaye. Chiombe inchiroo ibere chigokamwa. Agakora gokama entangani. Akaira amabere nyomba na goansa gokama eya kabere. Akarangeria omoigwa amorentere omotoriro onde erinde abeke amabere. Omoigwa nigo achiete gocha akanyora inga mama ninse are tari koeyana. Nigo yarenge ensa eyemo ya mambia.

Momura ominto Linus agaakerwa esimi korwa Etaoni Bosongo. Agaika ne egari inse ye chitageka 30. Akairwa Hema Hospital. Abanyagitari tibanyarete komokonya. Bagateba inga mama osirire.

Abamwabo. Abamura ba mwabo mama nigo bare George Miencha, Nyabuto, Getange, Nyamarere no Omogaka Mbera. Ase boigo mama nigo arenge moiseke omwabo marehemu Nyanchera,Agnes na Bonareri. Tari igo rioka. Nigo arenge moiseke omwabo Raeli na Nora.

Abana. Abana ba mama nigo bare Jared Nyabuto Nyaberi (NCR Corp na Gusii.com, Atlanta, Georgia, Amerika), Reuben Manyange Nyaberi ( Superform, Legal Affairs, Nairobi), Mellen Kemunto Gori (Nairobi), Isabella Nyaboke (Ruiru), Rachel (Otamba Secondary School), Agnes Sirimani (Kisii), Erick Nyangwono Nyaberi (E. Gao &Associates, Limuru), Abner Nyaberi (Kenyatta University) na Linus Nyaberi (KCB, Bungoma).

Abachokoro. Mama nigo are magokoro gochia ase Jasmine Nyaberi (Dunwoody High School, Dunwoody, Georgia), Emily, Weldon, Becton and Brayden (ba Nairobi), Diana na Nyatichi (ba Thika), Obure, Davin na Mayienda, Kepha, Lilian, Omeri na Violet (ba  Kisii).

Bwamwabo. Mama nigo are bwamwabo gochia ase Christoper Nyagwachi (Bara Nne, Bomachoge),Jennesi (Migori), Mose, Samwel Okongo, marehemu Bosire na Lois. Ase boigo Machora, David, Yunesi,Grace and Trucilla.

Ngina biara. Mama nigo are ngina biara gochia ase Moffatt Gori (Sheria House), Lister Kemunto (Kahawa), Margaret Muringi (Thika) na Kodek Sirimani (Kisii).

Chikorera. Chikorera chia mama nigo bare John Gori Orioki, marehemu Catherine Wangoi, Charles Kobaya, Rodha Kobaya.

Abana bande. Baria bare abana gochia ase mama ase Ekegusii nigo bare Bisieri (Tabaka Hospital), Pamela Nyagwachi, Esther, Moraa Nyagwachi, Moraa(Ndege), Pamela, Esther Nduko,Naomi, Nyanduko, David,Nyabuto Mbera, Nyabuto Nyagwachi,Magare, Oganda, Nyabuto,Onyimbo, Chifu, Samwel, Isaac Miencha (Nairobi), Edward Miencha (Kenyatta University), Magan, Arori amo na abande abange.

Okoumerara. Abagisangio, abasani, abairi amo na abaamate nigo bakoumerana kera rituko aaria ase enka ya Jared Nyaberi eyio ere 1008 Winterscreek
Drive, Atlanta, Georgia, 30360.

Omochango. Twaboririe amaminto esesangio erinde togende inka koa mama okwaheri. Omochango nigo okare Esabato chitariki 9 chie Engatiato. Ase boigo, eakounti nere aroro ase okorwa ebitoro eyio ere:

ING Direct.
Account number 69057551. Routing number is 031176110.

Chinsa. Goansera chinsa kianda chia morogoba impaka.....
Arari: Kenya American Community Church, 771 Elberta Dr. Marietta GA. 30066.  Tel:770-427-0555   kacc_info@kacc.net 
Ebirero. Omobere o mama nao ore aaria Kisii Mortuary. Ebirero nigo bigocha koba chiariki 15 chie Engatiato aaria Gesure, Bobasi Chache.

Twasabire abaminto motoinyore ase amasabo. Ase okomanya amange, ka moranche aaka esimi ase:

Jared Nyabuto Nyaberi (404)840-0120, (678)458-0670
David Ogega Obino  (678)525-8350
Evans Obino (678)886-2355
Julius Ogachi (678)698-3145
Damaris Mayienda (940)882-0247
George Ondicho (678)231-4135
Peter Mogaka (678)760-5457
Evans Mogaka (678-422-9530
Ase boigo, amang'ana aya nao are ase Public Eye Group na Jambonewspot.com

Obokongu Aaria Marani

Marehemu Omogaka John A. Onsongo Saisi

Omoichano omonene ase ogotangasa ogosira kwo omogaka John A. Onsongo Saisi. Nigo omogaka Saisi asira  chinsa ibere ne enusu chie chitariki 28 chio omotienyi oyo aaria Christa Marianne Hospital, Kisii. Enka nigo ere Marani aaria Bogetutu Chache.

Psalms 121- " ninyigore amaiso ane gochia ase ebitunwa- ingai ogokonywa kwane gokorwa? Ogokonywa kwane nigo gokorwa ase OMONENE oyio oroisetie igoro na inse...."

Etaya yarimire Mwasaisi. Twancheranire ogosira kwo omogaka John A. O Saisi oyio ochiete koumera Omotongi oye ase chitariki 28 chie Egesunte Kende, 2009 chinsa ibere ne enusu aaria Christa Marian Hospital Kisii, Kenya. Omogaka Saisi nigo abwate oborwaire bwe esukari rakini nigo arwanete buna esimba impaka omoerio. Esegi engiya naende titokomweba.

Omogaka John A. Onsongo Saisi nigo aiboretwe chitariki 24 chie Egesunte, 1943. Omogaka Saisi nigo arenge omwana o marehemu Pasta Augustine Rasugu Saisi na marehemu omongina Sibia Nyaboke Saisi. Enka nigo ere Mwakibagendi sabu lokesheni aaria Kitutu Chache. Nigo arenge omwana o gatato gati ya abana Kianda.

Omongina bwo omogaka Saisi nere Joyce Moraa Saisi, moiseke o marehemu Herodion Ogettii na marehemu Jemimmah Nyabenche Ogetti ba  Nyangiti, Bobasi Chache.

Abamwabo.Abana bamwabo omogaka Saisi nigo bare  Yunes Ongau, marehemu Hezron, Pasta Eliasiph Saisi, Elkanah, James, Jemimah, marehemu Magaret na marehemu  Charles.

Abana baye. Abana bo omogaka Saisi nigo bare: Dennis (Kenya), Jacqueline (NJ, USA) Lorna (Kenya) Hemmingway (NJ, USA), Marveline (Netherlands) na Wesley (Kenya).

Abako. Abako bo omogaka John Saisi nigo bare  Timothy (NJ, USA), Innocent (Netherlands) Monica (Kenya) na marehemu Zadrack Obwangi
 
Abachokoro. Abachokoro baye nigo bare Tony, Seraphina Kevin, Joseph, Chelsea and Winnie (Kenya) Deante (GA, USA), na Lyneth (NJ, USA) Gloria, Brian na John (Netherlands)

Abako bande nigo bare: Zablon Ongoro, marehemu kerubo Nyambane, marehemu Anna Manoti, marehemu Thomas Omwenga, marehemu Bichanga, Joseph, Aska Okemwa, Francis “Sunda”, Ongau, Mary, Jane, Moraa, Joseph, lmarehemu Rachel na marehemu Aminga.

Abairi nigo bare abange goetera ase ororeri amo na okonywoma. Intobae amarieta onsi ekero emepango yabeire ange naende ekero egeikaransero giakorire kopanga.

Ime ya Amerika, rora abaigwa baye abwo bare Lumumba , Isabella, Geoffrey (NC) na Duke Manoti,  Hellen Mogire, Solomon, Kwamboka, na Mokora Omwenga, Caroline Karuiki na Douglas Okemwa, Judy Gesare, gati ya abande abange.
Ase boigo, rora abamura abakoro ba Kisii High School.

Ebirero. Omobere bwo omogaka Saisi nao ore aaria Christa Mariane Mortuary, Kisii. Ebirero nigo bikare inka ase Mwakibagendi lokesheni, Kitutu Chache chitariki 22 chie Engatiato 2010.

Okogania. Amasabo naganeirie. Jacquiline amo no omwana Linet imbache bagende koa omogaka okwaheri. Ebitoro imbiganeirie korwa ase kera omosani gose Omokenya. Ase okorwa ogokonya, ka moranche aaka esimi korwa ogosemeria kwaino. Chinamba chie ebanki inchiche chibekwe.

Emekutano: Kera morogoba ase enyomba ya Jacquline aaria 107 Atlantic Street, Jersey City, NJ 07304
Esimi ya koboko (201)936-3660
Esimi ya Nyomba (201)333-2199

Amasabo yo okoinyora omogaka Saisi amo no omochango noche otangaswe ase obwango.

Ase okomanya amange, ka morance rora:

Isabella Manoti- (201)-892-6425 (NJ)
Mokora Omwenga – (862)-237-0283 (NJ)
Richard Maburi- (201)-936-8163 (NJ)
Wesley Saisi – (072)-181-6028 (Kenya)
Kefa Nunda 201-892-6686

Amangana a inka Gusii korwa Public Eye Group                              

KCPE Gusii: 2010 Noro Omwaka Oito

 

Dr. Sam Ongeri, Omominista, Chisemi

Inaki Gusii yakorete ase KCPE? Mwana taiyo ase Nyanza engima oigete ange na ase abana baria ikomi bakorete buya Kenya engima. Omkoa o Nyanza nigo oanserete namba 38. Abana baria babete namba 38 babere nigo bare Conrad Ongoi na Brian Osoro. Amagisi abo? Bonsi nigo babwate amagisi 429 inse ya 500. Esukuru yabo nigo ere St. Peters Academy, Kisii. Imbuya mono ase Brian Osoro na Conrad Ongoi ase ogotobeka igoro. Buya sana.

Abaiseke rende? Omoiseke no oyomo oigete ange na abana 100 ba amagisi a igoro. Omoiseke oyio nere Diana Agnes korwa St Peters Capeview Academy, Homa Bay Taoni. Diana nigo abwate amagisi 426 inse ya 500. Imbuya mono Diana. Igo? Omwaka oito nigo ore 2010.                                                                                                       

Amangana ye chisemi korwa eStandard. Priscilla Nyanduko Gekonge nigo are omoriki Omokonyi ase Gusii.com       

KCPE: Peter Njoroge Kamenju Nere Namba 1

Omwana omotangani ase amatemwa a Kenya a KCPE nere Peter Njoroge Kamenju. Oyo okabere, Rabin Isaac Oonge. Namba isato nere Risper Chemtai Kirui

Elisti ya abana 100 bakorete buya ase kenya engima nao ere igaa. Chekia amatokeo ao gotumia SMS. Chapa enamba KCPE. Halafu beka eindex namba yao. Erio omoerio, toma amangana gochia enamba 2228. Nyora amachibu ao. Gose genda ase ewebusaiti ya  Kenya National Examinations Council.

Priscilla Nyanduko Gekonge nigo are omoriki Omokonyi ase Gusii.com