Gusii

Omosaara Noroo?

Gotinga Richoki

Omosaara? Nyomenda ominto.  Intwe no oboche togoaka. Mosaara toiyo ase ogoaka oboche. Nigo togokora egasi amo na baria bagokwana Egesongo rituko rigima. Naintwe yatobetereria tokwane Ekengeresa. Rakini ekero twaikire nyomba. Ekero richoki riarusigwe. Emetwe nigo ekobichoka. Intori gochari. Basi bono nigo togokwana buna totagete. Twaansa korika buna totagete. Bira gokumia gose omosaara nore aroro.

Rakini ekia baba, onye gotagete gotoa kende, aye tebia omogaka Nyagaka arigie akamanwa buya iga. Ekero togocha gochicha inka, achinche akamanwa akwo erinde torie obosontonto amo no obokima bwo obori. Arangerie na bagaka bande babere iga. Basi toikaranse tona koria amangana. Aye igo bono nario gwatobanga. Ase boigo, aye ogende aria Suneka, Bonchari otogorere akamotoriro ge chinchugu. Igo aye bono twakoranire. Titobwati mangana mange.

Rakini egento kende ekenene neke. Ributi. Yaani ributi riangichire moyo enchera intagotebie. Onye aye tokonyara kwenga ributi rie ememera eisaine, aye tebia omongina Nyakerario akore egasi eyio. Oise gotoa ributi, basi aye twakoranire. Baba, oyio noro omosaara ase intwe. Mwana ominto,  kanywe mache maya.

Abagusii Abasani

 Abaminto imbuya mono sana. Ase amatuko nane Gusii.com@facebook yamentire abasani korwa 12 impaka 37. Yaani buya sana. Intwe nigo tore no omogoko. Imbuya mono ase okonyora ribaga  rio ogosoma Ekegusii. Nyasae ne chisokoro echio. Jared nyaberi, Omosomba bwe Ekegusii nao agotoka ase Abagusii at gmail dot com amo na Facebook dot com/abagusii.

Emechando Aaria NC

Marehemu Irungu Muturi Muhoro

Twaichanire ase okobatebia igoro yo ogosira kwo omogaka Irungu Muturi Muhoro o Charlotte, NC. Abana. Nigo arenge ise Muhoro Irungu, Njoki Irungu, na Kabugi Irungu. Omogaka Irungu nigo arenge omwana o Pasta Muhoro Kareri na Esther Gachoki Muhoro. Nigo arwanetie oborwaire ase enchera yo oboremu na koremigwa na abairi amo na abasani. Momura oito nigo agocha gotindekwa Esabato chitariki 5, chie Egesunte kende ime ya Concord Cemetery aaria North Carolina. Omochango noba rero aaria Back Creek Presybetarian Church ime ya Charlotte goansera chinsa isano na isato chia mogaso. Amange nache atebwe ngora. Eakounti yarosigwe ase okorwa ogokonya. Ka moranche, toma ebitoro gochia ase Moses Wanyoike gose Faith Irungu  Bank of America, Acct. 237018610365 Routing# 053000196. Ase boigo, beka chibesa ase  Pay-pal account gochia ase omongina Faithirungu@yahoo.com. Ase enka na abasani ba Irungu Muturi, amabera a Nyasae.

Amangana ya Abakenya korwa Jambonewspot

Obokongu aaria Congo

Obokongu ne emechando aaria Congo

Nigo Mokoirorera?

Koirorera: NTV Kenya

Bitutu Ominto. Abwo nigo gwatonyara. "Gete amangana ayio naro inkorora ase e Nation amo ne Standard?" Yaani abwo nigo gwateba ekeene. Nyaituga ominto, nomanyete ekero Mhe. Barack Obama aasimorire? Amangana ayio nigo akorikwa ase New York Times. Tari igo rioka. LA Times, Boston Globe, Fox News, CNN, Times Of London, CBS,nonya Sydney Herald... Yaani kera ase ense engima. Impaka NTV Kenya goika eorokie buna Mhe. Obama agoasimora. Ase boigo, nigo tokorika amangana ayio ase engencho yo ogwancha. Nigo twanchete koria amangana ase Ekegusii. Toise gotaka, nabo tokorika ase Ekenyamorero. Ase okogokigwa, intwe Ekenyamorero tikeri gotogokia buna omonu oria oito twaiboretu togokwana. Nigo enga buna koria obosie. Nabo torarie endagera yo Omosongo ase engaki. Rakini onye tobwate obosibore, intwe nigo twanchete obosie amo na nyama choma, rinagu, chinsaga,egetoero....

Ase baria mobwate chimbuche na amasio buna inche, nabo morainyore Kenya Times. Amatuko amake aeitire, eserikali ya Mhe. Moi iyaansete korika amangana ase chingaseti. Egaansa engaseti ekorokwa Kenya Times. Kera egento kiare korikwa ase engaseti eyio nigo kiarenge igoro ya KANU. Nigo kware korora Mhe. Moi ogotenga na abangina aaria State House, Nakuru. Etengo aaria Mombasa. Abangina bagotengera Mhe. Moi aaria Nairobi. Kera rituko. Amangana yo Omokenya kawaida rende? Ayio titware korora. Ninki giaitete Kenya Times? Abanyamorero nigo bagokeroka "supply and demand." Onye okogania kore aroro, abagori nabo bakogora ebinto. Onye kogania tikoiyo, aye rirorio nabweba. Ningo ore na acha kona korigereria buna Mhe.Moi akona gotengerwa kera rituko? Abakenya imbare moyo? Kenya Times egakwa. E Nation ne Standard? Chikagenderera. Intwe nigo tokoa Abagusii obosibore bwo ogochora buna batagete gosoma amangana abahusikanete. Obosibore bwo ogosoma kende gionsi otagete. Omwana ominto, ekio nakio gekogera twairorera amangana. Kenya egenderere.     

Jared nyaberi, Omosomba bwe Ekegusii nao agotoka ase Abagusii at gmail dot com amo na Facebook dot com/abagusii.