Gusii

Omokutano O Justice Mbaka

                                                                                                                              

Justice Mbaka: Korwa Jambonewspot

Korwa Jambonewspot: Abaminto okogania ingotakeire Esabato eye. Moise koinyora, Oyominto Justice  Mbaka na omorugi oye Cellia Lyons imbanyorekanete basirete amatuko ikomi aetire. Bono Omochango amo na amasabo nakare Esabato eye chitariki Isato Omotienyi o Ikomi. Omokutano nigo okare aaria NewLife Church Parish Hall. NewLife Church nigo ere ebara ya 12727 Hilcrest Rd, Dallas, Texas, 75230. Emepango negendererete ase okoira omobere o marehemu Justice inka Kenya. Ka moranche abaminto inchwo ase obonge tokonye omochie o Mbaka.

Chisokoro Ne Chingiya

Nyama Choma ya amajambazi teri gwansa.

Ken Okongo nigo are omowakili aaria Nairobi. Naboretie obojumbe korwa  Bogirango bwa Bosongo amatuko aetire rakini taireti kura. Rituko ria Ijumaa eye yaetete, nigo abwatwa amo na amajambazi na gosiborwa rituko ria igoro. Nigo asiboretwe ekero aakanete amajambazi ayio KSh. 1 Millioni. Okongo nigo arenge kogendia egari yaye gochia nyomba korwa Hotel Intercontinental. Chigari ibere chikamoriba aaria Waiyaki Way. Amajambazi ayio akamobeka ase e tranki ye egari eyemo. Bakamosiba amagoko gochia maega. Akaurua esimi yaye. Nigo egotebekana inga nigo bamoirete gochia Thika gose Ruiru. Okongo nigo ataretigwe ase ensa eyemo na enusu. Bakamanya goika ase enyomba ere ime ya orosana. Nyomba eyio tiyabwate birogo. Ase enyomba eyio, omonto onde narenge obwatetwe orenge kororekana buna Omongeresa gose Omojerumani. Okongo nigo agoteba inga nigo baansete komoboria inga ingasi ki agokora. Akabatebia inga ere no omowakili. Bakamoboria inga gose nabwate amali. Bakamotebia inga aakere omorugi oye gose omosani oye esimi rakini taakera polisi. Ritangani amajambazi ayio nigo atagete Ksh. 4 Millioni. Bakaiyeria rigori impaka Ksh. 1 Millioni. Okongo nigo agoteba inga nigo bare komorageria buya. Amabere no omogati ase mambia. Obokima ne enyama eiyekire ase mogaso. Morogoba, obokima na nyama choma. Ekero Ksh. 1 millioni chiaakanwa, akairwa impaka Thika road. Bakamoa Ksh. 2000 arinere e matatu gochia inka. Pole Ken. Chisokoro ne chingiya.

"Kora Omokia"

Korwa Egesa FM: "Omodc okenyenya Kaburu Kaimba oorokirie ogotagokigwa kwaye kobwatekana no obotaka bore ase edistrict eyio.gokwana ase eabisi yaye kaimba nigo aichana nga nonya amaremo amatobu kare ase ensemo eyio abanto nigo bagendererete gotakaa rika babwenerete kobeka omoki ase oboremi erio koegendereria.kaimba nigo ababori abanto abwo korigereri oboremi bwe echae amo ne ekagwa rika rio ogosimeka emesie eyio ekoira chingaki chinyinge eyio boigo etabwati besa.omodc oyio nigo amenta nga abaremi be ensemo eyio nigo babwenerete korosia chisosayati ase babwenerete koira ebimeri biabo rika bakobaaoneria abanto bakobaunereria.amarwa ye echanga boigo nigo amochigwa ase okoirania amagenderero ye ensemo eyio magega ayio ateba abwenerete gosira."

"Inchwe Mokonyeke"

                                                                                        

                                     

Korwa Egesa FM: "Omokonyi bwo omomeya okisii patrick siro obaboririe abase gocha amo na korora nga ingokonyeka bare korwa ase chinsemo chia jua kali echio chirache chiagachwe ase chinsemo ao ao ne eserekari.siro nigo ateba nga ecouncil yo omochi oyio okisii nigo erache etware chinsemo ibere chia jua kali echio chirarosigwa ase chichiro chia daraja mbili amo na menyinkwa.obwagachi bwe chinsemo echio nigo bwabekeirwe ensemo chisiringi chimilion 20 ase kera echiro eranyore chimilion 10.ase chingaki echio omokonyi oyio bwo omomeya bwo omochi okisii baboririe abaonchoreri bo omochi oyio koigwera korengana buna bagochokwa ase engencho nigo baganetie omochi oyio okine mono na koba omochenu"

Amakongu Aaria Charachani

Korwa Egesa FM: " Omosacha oyomo oyio omoitete ase okomokenya omokungu oye abwo igoro magoroba ase ekenyoro kia charachani ensemo ya miruka ime ye edistrict ya nyamira nere nakenywa emambi yarero na abanto barenge ne ekeririanda na gokwa.Josphat Motaroki nigo agotebekana amoitete mokaye lilian mabuga chingaki amosabete chibesa akorerete oboonchoreri na kwanga ase amoitete.nere nigo aumerwa na abanto abwo chingaki arenge ase enka yaye kagendererete emeremo yaye na gokenywa.kobwatekana nayio abanyanyimbo bamochigwe ase ogotaimoki egetambokero kia bwango komobeka biara omoiti oyio korende omokonyi bwo omonyanyimbo omonene ase ensemo eyio timoth kivuva oteba nga imbanyorete oroboti orwo ase obwango."