Gusii

Bomachoge, Suka Ensemo

                                               Mhe. Omingo Magara     

Bomachoge suka ensemo. Riri tokagete inga amangana ye chikura ingotoerera are, ekina kende gie chikura kiengirwe. Ekina ekio nao kere ekando ya Bomachoge. Gesona. Bogirango Maate. Goika bono mwaigure buna ekina kia Joel Onyancha kiabete. Bono, omojumbe o Bogirango Maate, Mhe Omingo Magara nere nasoereire. Ningo ogosoera Mhe. Omingo Magara? Omosike Manson Oyongo Nyamweya. Nigo omosike Nyamweya agoteba inga amagoso narenge ase chikura chia 2007 echio chiagerete Mhe. Magara akaba omojumbe. Ase chikura echio chia 2007, Mhe.James  Omingo Magara nigo abwete ne chikura 10,204. Omosike Ibrahim Ayiema Ochoi akaba oyo okabere ne chikura 5,848. Oyo o gatato rende? Omosike Manson Oyongo Nyamweya ne chikura 5,758. Ekina eke nigo giaansete omwaka 2008. Nigo kegoansa, giatenenigwa. Giaansa. Giatenenigwa.

Bono IIEC nero yasoire ime ye ekina eke. Nigo etagete inga ekina eke tigetegererwa ekiagera IIEC netagete korategererwa ritangani. Omowakili bwe IIEC nere Ibrahim Onyinkwa. Omojaji ogotegera ekina eke, Omojaji Daniel Musinga ere nigo atagete ekina ekio Nyamweya abegete ime kegenderere. Omowakili o Nyamweya, Ombati Omwanza nigo atagete ekina kegenderere erinde ekeene getoke. Omojaji Daniel Musinga tarateba inga ingai ekina ekio kegochia. Intoganyete.

Bono Ebuse Tiga Egwe

Bono buna chikura chia Bomachoge chiarire, ebuse yaansire kogwa. Ase amatokeo nigo twarora ODM=10, PNU=0. Buna okoabusa ebuse gokona kogenderera, PNU nigo egoteba inga nigo yakorete amagoso. Kiabeire inga PNU teri amo. Yatabokanire. Ase Bomachoge, nigo abanyasiasa bagoteba inga Mhe. Sam Ongeri nigo atebetie Ford-People tibatwara omorwanereri. Inga igo agatebia Joel Onyancha atige ekeombe kia Ford-People erinde agende ase PNU. Abarigereria aba nigo bagoteba inga nigo Mhe. Ongeri akorete igo erinde Mhe. Simeon Nyachae tatwara oborai bonde ase chikura echi. Kiabeire inga Mhe Ongeri nigo atagete koba omogaka omonene o Gusii. Yaani goaka Mhe. Simeon Nyachae ekando. Moise koinyora, Mhe. Nyachae tachieti Bomachoge gokampeineri onde. Intokomanya inga Albert Nyaundi gose ingocha kobua arenge chikura onye Mhe. Simeon Nyachae agenda Bomachoge komokampeineria.

George Nyamweya, oyio ore omonyakerogo o kabere o PNU ase Gusii nigo agoteba inga PNU goika ekore omokia ase chikura chia 2012. Nigo agoteba inga nonya Omogambi Mwai Kibaki tacheti Bomachoge, nabo arenge kona gotebigwa buna ekampeini egendererete. Abahe. Uhuru Kenyatta na George Saitoti imbachete Bomachoge. Inyora ebitungururumu bie chidivisioni amo na abaDO bari Mhe. Saitori arwete Bomachoge. Onye Mhe. Kibaki achicha Bomachoge amente ebitungurumu, Onyancha ingocha koira arenge chikura? Simon Ogari Rende?

Obokongu Aaria Nyaigesa

 

Korwa Egesa FM:"Abanto barenge ne ekeririanda emambi ya rero imbasamba chinyomba ibere ase ekenyoro kia Nyaigesa Miruka ime ye edistrict ya Nyamira echio bateba koba enka ya abaibi babeire bagochanda abanto be ensemo eyio.ayio nigo akorekana chingaki abanto abwo banyora enyama ye engombe eyemo gati ye chiombe 3 chiabetwe korwa ase ensemo eyio abwo moisonde.Nigo engombe eyio yanyenyetwe ase enyama yende konye yarirwe ne eyende nigo yatoka kegachire emetungi ime ne eyende chisuguri ime chingaki boigo chiombe chinde ibere chitamanyekaneti ase chibisire."

Abasae Batigirwe

 Korwa Egesa FM: "Goetania abasae 200 barwete korwa ase orogongo rwa Gusii kogenda Kisumu kogosoria chigosoria chie enkoyo ensemo ya abamura na abasubati nigo benyorete ase abe nyuma yo okoborwa no oboraro chingaki omooobisa obatenenerete asirete gochi ase oborebi.abasae abwo nigo bare ase ekeminano gie chigosori chie chiconstituency."

Esimba Ya Massachusetts

Esimba ya Massachusetts iyaegwa okwaheri rero. Aaria Arlington National Cemetery. Inche nigo naigwete igoro ya Senator Edward Kennedy ritangani ase omwaka o  1980. Nigo twarenge e paredi aaria esukuru Nyamagwa. Father John Onkanga agatotebia inga Omogambi Jimmy Carter obuire Senator Edward Kennedy ase chikura chia puremari Amerika.Igo inga bono Omogambi Jimmy Carter nigo arenge gochicha korwanerera chikura amo na Omogambi Ronald Reagan. Father Onkanga nigo anchete Reagan. Enka ya Reagan nigo yarenge California. Father John Onkanga nere nao asomete eseminari aaria Southern California. Otatiga korora inga abamura abange ekegori kiane nigo bakorokwa Kennedy(Uhuru,Nyabuto,Kenneth, Jomo Kenyatta),inche tinare korora inga ekio inkemineti kende ase obogima bwane. Ekero nachete gosomigwa omogano bwo omochie o Kennedy nario nachete koigoka obongo ake.

Ase obwenge, omochie o Kennedy nigo omanyire ase okorwanerera abataka. Momura omwabo Senator Edward Kennedy, Omogambi John F Kennedy nere oansete korenta AbaKenya Amerika erinde basome na gokonya ense yaito Kenya. Goetera egasi ya marehemu Mhe. Tom Mboya amo na marehemu Omogambi JFK, Abakenya buna Barack Obama Sr.(ise Omogambi Obama) akagenda gosoma aaria University ya Hawaii. Tari ere bweka. Dr. Wangari Maathai agatomwa gochia Scholastica College ime ya Kansas naende akagenda aaria University ya Pittsburg konyora emastas. Abagusii rende? Dr. Zachary Onyonka akagenda Syracuse University. Igo tari buya? Inche nabo indoche.

Ase bari moinyorete, egambo ya Senator Kennedy aaria Denver Colorado ase omwaka oyo oera nigo yagerete Abaamerika abange bagatonyia amariga yo omogoko. Senator Kennedy nigo are oyomo bwa Abaamerika bari abakongu bagerete Omogambi Barack Obama akaba eki are bono iga. Senator Kennedy tare kwemotia. Tare korigereria inse. Tare kwebisa gochia ekando. Nigo arwete omochie obwate chibesa. Nigo asomete. Rakini tarenge kwerora. Tarenge gwekompuliketi. Nigo are goteba buna arengerereti. Ekero Abaseneta bande baansete kwemotia, ere nigo akanete korwa omochakano inga esegi ya Iraki nerente obotaka Amerika. Imaa. Rora bono. Senata Kennendy Orwanereire bari batabwati einswarensi ya afya ase goetania emiaka 20. Esegi yaye negenderere na kobua. Esimba ya Massachusetts. Yararire. Nigo yarara ekworanerera abataka. Bari batabwati onde okobatetea. Rara Buya Esimba.