Gusii

Edwin Okongo. Egasi engiya ase Abagusii na Kenya Engima

Edwin Okongo nere omoriki omonene bwe e bulogi ya Mshale naende omoriki bwe e bulogi yaye omonyene ya Okongo's Policy. Nigo asomete California State University aaria Hayward amo na University ya California aaria Berkeley. Nigo are oyomo bwa Abagusii bari barikire amangana amaya naende amange sana igoro ya Gusii na Kenya. Ka moranche, soma amariko aye ase chibulogi echio nabatebirie igoro. Imbuya mono Okongo ase e vidio amo na egasi engiya.

1

Edwin Okong'o said...

Nagokire mono korora buna Abagusii banchire amang'ana nkorika. Gaki batebie basome omogano oyo. Nigo nanyorigete Ekenyamorero korende nimbegete omoino bw' Ekegusii chisokoro chiagaterire ekero chikonywa ebusa.

Naende evidio nere narosetie korwa inka Kenya -- Kisumu, Migori, Nairobi, Gusii -- ekorokwa "Kenya: Sweet Home, Obama." Nigo nagendete nka ngakwana na abanto abange baka abang'ina bagontebia buna, "Tiga tokoe chikura."

Reply 10/30/2009 at 06:03 AM

2

Jared Nyaberi said... 

Engaki ya Omotienyi o Gatano(Amaumuntia), nigo nare kona komongera eintaneti. Inkagoogle erieta ria "Gusii Highlands." Ninki nanyorete? Edwin Okongo ase Okongospolicy.com. Edwin narigete omogano bwo ogokina Gusii. Akoeresa buna akinerete obotaka. Inche nigo nasomete omogano O Edwin inkarora inga nigo twaiboretwe nere. Obotaka. Abatata bagasira. Gotatwara efisi. Gotatwara Kende. Gocha Amerika na gokora chigasi chinkongu erinde tokonye abana baminto inka. Edwin Okongo tari kwoboa korwa omogano oye buna akinete. Evidio yaye arosetie ekero agenda inka bwango iga nao ere igaa. Ka moranche rigereria omogano bwo omwana omino. Imbuya mono Edwin ase obosemi.

Reply 11/02/2009 at 03:33 PM

Patricia Nyaundi, "Tiga Gosumbwa Abasubati ba Kibera"

Abasubati bari bamenyete aaria Kibera, Nairobi baboririe e serikali emente oborendi ase ensemo eyio. Omoteneneri bwe ekeombe kia abangina abwakili Kenya, Patricia Nyaundi otebire inga abasubati bameneyete Kibera nigo bagotacherwa inse kila mara, ase engencho basigari batari gochia aroro nonya. Naende komenta nayio, Kibera tebwati chitaya, naende ebibara bire aroro nigo bire ebike. Ebinto buna ebio nabio bikogera amangana amabe aba abwo Kibera. Ebibago nabo bianchete igo. Nigo atebetie Capital FM inga abanto ababe nigo bagotumia egesunte gosumbwa abasubati ensemo eyio.Bono e serikali nigo ekoborigwa emente chitaya amo na abasigari Kibera. Omosubati Particia  Nyaundi nigo atebetie abasubati abwo kibera babe bagokwana ekero bakoreirwe bobe. Batige gokira gose kwemotia. Amangana ayio onsi nigo abete ase omokutano oria obete Kibera.

                                                                                               Abasubati Ba Kibera: Capital FM

Nintagete koba omoriki o Gusii.com

Gusii nabo ere na ekieni. Ebicha korwa Wycliffe Tinega.

Evans Sindiga nandikerete eimeili okomboria inga ninki getakeire ase okoba omoriki omogeni ase ebulogi eye. Abaminto ingabere ekiagera tinanya koeresa inga ninki getakeire.Pole sana ase okoba omworo. Naende imbuya mono Evans ase okoboria riborio rigiya. Abaminto buna momanyete onde taiyo omanyete kera egento. Amaiso amange amo na ebirengerio ebinge nabio biragere twensi tokine. Bono ninki getakeire ase okorika aaiga Gusii.com?  Ase obwenge, korika ase ebulogi eye nigo omoriki akobwatia ekerenga eke kia Gusii.com ekio kerikire ase Gusii.com Ninki? ime ya ebulogi eye. Ase okoeresa ase obonge, omoriki o Gusii.com imbuya:
1.Arike ase Ekegusii gioka.
2.Atebe ase arusetie amariko ayio onye konyora arikirwe ande onsi. Ase omobwekano: Onye amariko ayio are ase e Standard, tebia Abagusii bamino boigo.
3.Atosemie.Amariko ya ogototebererani. Intoganetie amangana amaya aria arakonye Omogusii. Onye kobwate obobisi bori boratokonye, koranche totebie.
4.Atosemie igoro ye ekemira. Gusii.com nebwate oboremeru ase ensemo eye. Onde bwensi otagete gotokonya ase ensemo eye, koranche totebie.
5.Tabaisa koonia kende. Gusii.com teri koonia kende.
6.Amanye inga mosaara toiyo. Onde tari goakanwa mosaara ase ebulogi eye. Kende gionsi gekorikwa aaiga ne kio ogokonya Omogusii bwensi pi ase abeta bila omosaara gose rigori.
7.Amanye inga abana abange ingosoma bare ebulogi eye erinde bamanye buna Ekegusii gekorikwa. Titokorika amangana amabe ase Gusii.com
8.Ribaga ria siasa ya Kenya engima tiriyo ase bono. Siasa ye ebulogi eye ne ya Gusii(Kisii) yoka.Ase omobwekano, onye Omojumbe oo korwa Gusii tari gokora gasi, basi eyio ne topiki engiya sana ase ebulogi eye.
9..Ogoitana tikoiyo aaiga. Gusii.com nigo etagete korenta omorembe ase Gusii na Kenya engima.
10.Arike akarube gochia ase: Abagusii@Gmail.com. Enamba nigo ere (404)840-0120. Ase gati ya e chinsa 48, nabo togokorikera erinde totebererani buna togokora.
Ayio naro oka atakeire. Naende imbuya mono ase ogotarera Gusii.com.

Aye Gwachekirie orore Enyomba eri Kwaagachete gose bado ne yao?

Onye kobwate oboremo gose enyomba kwaagachire ne ebigeri biao naende nao omenyete isiko ya kenya, chunga sana. Emekora yaansire koroisia amasakara yo oborimo na koonia amari ya abanto batamenyeti kenya. Emekora eye teri gochari. 
-E Standard nigo egoteba inga omongina  oyomo ore emiaka 70 korwa aaria Eastleigh akagenda Amerika ase erusa. Ekero airanete, akanyora inga enyomba yaye yaonigwe.
-Omogendi chindege Kariuki Wachira okorire egasi sana. Wachira nigo are o Mwananchi omenyete Amerika. Ase emiaka eye yaerire, okorire omokia koagacha inka. E Standard nigo egotaba inga ase omwaka o 2005, Wachira nigo aagachete enyomba engiya sana aaria Nairobi ase eesteti ya abadosi ya Nyari. Agatumia Ksh. chimillioni 25 koagacha omochi oye (bono omochi oyo nigo oisaine Ksh. chimillioni 65) na koirana Amerika. Bono Wachira nao atagete gocha komenya ase enyomba eye ekero Amerika yamorosirie. Ere tamanyete inga okomenya kwaye Amerika inkomorentere obokongu. Emekora eye aaiga seito egaonchora ebinto bwango sana. Bakaroisia enamba ya oborimo. Halafu bakamanya koonia enyomba yaye. Abakori emeremo bari atigete ase enyomba bagaserigwa na abasigari. Nere agachi gocha korwa amerika komanya inga ninki kegendererete agaseria na abasigari boigo. Kariuki Wachira tabwati nyomba. Tabwati ase akorara. Ekina eke kiaye nao kere chikoti ime. Temanyereiri inga ingai kerakorere gochia.

Kariuki Wachira, Enyomba yaye: Korwa e Standard

Ebirero bia Omorandia Job Mageto Ong'era aaria Masaba

Mama omwabo nigo asirete omwaka oyo oera. Ekero mama omwabo asira, Omorandia Job Mageto Ong'era,ore emiaka  23 agatigara gokonya tata omwabo, Bernard Ong'era Omariba ase egasi ya inka na gokinia abana 7 bamwabo. Ewiki eye yaera, Omorandia Mageto akaimoka kogenda Nakuru aaria ase ekanisa ya Full Gospel Ya kenya ase okorandia ekambi. Tata omwabo, akamokoba impaka Mosobeti erinde arine e matatu gochia Nakuru. Bono e Nation nigo egoteba inga tachieti goika Nakuru. Tata omwabo nigo aakeretwe esimi amo na Omogusii okorokwa Joseph Mokaya inga omwana oye osirire. Nigo arasetwe amo na abasigari aaria ange na  Ikonge ase ebara ya Nyamira-Kericho. Abasigari nigo bagoteba inga e matatu eyio arenge ime nigo yangete gotenenena ekero yabekeretwe emeribo inchera amo na abasikari. Bono abasikari nigo bagoteba inga egari eyio nigo yakageire inga nigo yabwate enyasore. Inga igo nakio yaraseretwe.Omosani o Marehemu, Omorandi Geoffrey Mageto nigo agoteba inga enyangi yaye nigo yabangire ebe omotienyi o Nane omwaka oyo. w eki eye yaera, mahehemu Mageto nigo arandetie buya sana aaria Marindi ime ya Bogirango. Konyora emepango yabekirwe achie korandia aaria keroka ewiki egocha. Pole sana ase omochie bwo Omariba.                                                 

                                                                                                                       Ebicha korwa e Nation